नेपाल पत्रकार महासंघ धादिङद्वारा प्रधानमन्त्रीलाई ध्यानाकर्षण पत्र

नेपाल पत्रकार महासंघ धादिङ शाखाले पत्रकार हत्या र सञ्चारमाध्यममा भएको आक्रमणको घटनाको छानबिन गरी कारबाही गर्न माग गरेको छ । पत्रकार हत्या र सञ्चारमाध्यममा भएको आक्रमणको घटनामा संलग्नलाई कारबाहीको माग गर्दै आज प्रमुख जिल्ला अधिकारी मार्फत प्रधानमन्त्री र गृहमन्त्रीलाई ध्यानाकर्षण पत्र बुझाएको छ ।
नेपाल पत्रकार महासंघ धादिङ शाखाका अध्यक्ष सिताराम अधिकारी नेतृत्वको महासंघको टोलीले विभिन्न ६ बुँदे माग राख्दै प्रमुख जिल्ला अधिकारी सुमन घिमिरे मार्फत प्रधानमन्त्री र गृह मन्त्रीलाई ध्यानाकर्षण पत्र बुझाएको हो ।
ध्यानाकर्षण पत्रमा भिडियो खिच्ने क्रममा पत्रकार सुरेक रजक आगोमा जलेर ज्यान गएको, अन्नपूर्ण पोष्ट दैनिकको कार्यालय भवनको भुइँतल्लामा आगो लगाउनुको साथै ढुंगामुढा गरी क्षति पु¥याइएको र कान्तिपुर टेलिभिजनको भवनमा ढुंगामुढा गरी क्षति पु¥याइएको उल्लेख गरिएको छ ।
हिमालयन टेलिभिजनको सवारी साधनमा तोडफोड गरी पत्रकारको ज्यान लिने प्रयास गरेको, सवारी साधनमा क्षति पु¥याइएको, पत्रकार दिनेश गौतममाथि आक्रमण गरी खुट्टा भाँचिएको र फोटो पत्रकार निराज तामाङको क्यामेरा लुटिएको लगायतका घटनामा संलग्नलाई कारबाही गर्नुपर्ने माग पत्रकारहरूको रहेको छ ।
त्यस्तै पत्रकार रजकको परिवारलाई क्षतिपूर्ति दिन, संचारगृह र संचारकर्मीलाई यथोचित क्षतिपूर्तिका साथै घाईते पत्रकारको उपचारको प्रबन्ध मिलाउन ध्यानाकर्षण पत्र मार्फत माग गरिएको छ । एक साताभित्रै माग सम्बोधन नभएमा महासंघ सरकारविरुद्ध देशव्यापी आन्दोलनमा उत्रिन बाध्य हुने चेतावनी समेत दिएको छ ।
ध्यानाकषर्ण पत्र बुझ्दै प्रमुख जिल्ला अधिकारी सुमन घिमिरेले घट्नामा  संलग्नलाई अनुसन्धान गरि कारवाहि गर्न आग्रग गर्दै तत्काल प्रधानमन्त्री र गृहमन्त्री समक्ष ध्यानाकर्षण पत्र पठाउने बताउनुभयो ।