११ भदौ, काठमाडौं । टिबेटियन ओरिजिनल ब्लड (टीओबी)का अध्यक्ष तेन्जिन दावा लामाले आफू गत भदौको जेनजी आन्दोलनमा सहभागी भएको स्वीकारेका छन् ।
जेनजी आन्दोलनका क्रममा भएका घटनाको जाँचबुझ गर्न गठित आयोगलाई दिएको बयानमा लामाले भनेका छन्, ‘चिनजानका भाइहरूको सहभागिता हुँदैछ भनेकाले म पनि सहभागी भएको हुँ ।’
टिबेटियन ओरिजिनल ब्लड भन्ने शब्द आफैंले सिर्जना गरेको तर त्यस्तो कुनै संगठन नभएको लामाले बयानमा उल्लेख गरेका छन् । आफू दी ओरिजिनल ब्रदर ग्रुप नामक मोटरसाइकल क्लबको अध्यक्ष रहेको उनको भनाइ छ ।
जाँचबुझ आयोगले टीओबी ग्रुपका भीडलाई उक्साउने र शान्ति भङ्ग गर्ने कार्यमा संलग्न भनिएका मोटरसाइकलमा आएका व्यक्तिहरूलाई फौजदारी संहिताको दफा ३५ अनुसार छानबिन गर्न सिफारिस गरेको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |