ज्वालामुखीको मैदीकोटमा माघ १ गते सातौं खड्गदेवी साँस्कृतिक महोत्सव हुने

ज्वालामुखी गाउँपालिका वडा न ३ मैदीकोटमा माघेसक्रान्तीको अवसरमा सातौं खड्गदेवी साँस्कृतिक महोत्सव हुनेभएको छ । खड्गदेवी युवा क्लबको आयोजना र ज्वालामुखी गाउपालिकाको पूर्ण आर्थिक सहयोग र वडा नम्बर ३ को संयोजकत्वमा माघ १ गते माघेसक्रान्तीको दिनमा सातौ खड्गदेवी साँस्कृतिक महोत्सव हुनेभएको हो ।

स्थानीय स्तरमा लुकेर बसेको प्रतिभाहरुलाई उजागर गर्ने र  धादिङ जिल्लाकै एतिहासिक पर्यटकीय तथा धार्मिक स्थल  मैदिकोटको प्रचार प्रसार गर्ने ,सस्कृतिको जगेर्ना गर्ने  र स्थानीय स्थरमा उत्पादन कृषि सामाग्रीहरुको प्रर्दशन तथा पहिचान गर्ने उदेश्यले प्रत्येक वर्ष क्लबले साँस्कृतिक महोत्सव संचालन गर्न लागेको क्लबका अध्यक्ष रिजन श्रेष्ठले जानकारी दिनुभयो ।

कार्यक्रममा लोकदोहोरी गायक अर्जुन सापकोटा, अस्मिता डल्लाकोटी, मोडल तथा नायिका जानवी बस्नेत, दोहोरी गायिका मिरा राना मगर, गायक पदम आले साथमा स्थानिय कलाकारहरुको प्रस्तुति रहनेछ ।

त्यस्तै महोत्सवमा कृषि प्रदर्शनी  र गोरु जुदाई समेत हुनेछ । साथमा कृषि प्रदर्शनीको लागि आकर्षक पुरस्कारको व्यवस्था र  गोरु जुदाई बिजेताको लागि नगद तथा अन्य पुरस्कारको व्यवस्था समेत रहेको छ ।

क्लबले हरेक वर्ष विभिन्न चाडपर्वको अवसरमा यस्ता विविध सांस्कृतिक कार्यक्रमहरु गर्दै आएको छ ।