धादिङको ज्वालामुखी गाउँपालिकाको प्रशासनिक भवनको आज सिलन्यास गरिएको छ । आज गाउँपालिकाका अध्यक्ष यमनाथ दनैले उपाध्यक्ष , वडा अध्यक्ष , राजनीतिक दलका प्रतिनिधि कर्मचारी र स्थानियको उपस्थितिमा भवनको शिलान्यास गरिएको हो ।जगाको अभावमा भवन निर्माण गर्न नसक्दा पालिकाले साधभन्ज्याङमा भाडाको घरमा प्रशासन संचालन गर्दै आएको थियो ।
सोही स्थानमा २२ जना स्थानीयले १६ रोपनी जग्गा उपलब्ध गराएपछी पालिकाका अध्यक्ष दनैले आज प्रसासनिक भवनको सिलन्यास गर्नुभएको हो । १२ करोड ३५ लाखको स्टमेटमा निर्माण गर्न लागीएको भवन २ वर्ष भित्रमा निर्माण सम्पन्न गर्ने गाउपालिकाले लक्ष्य लिएको छ ।
भवन सिलन्यास गर्दै अध्यक्ष दनैले प्रसासनिक भवनको अभावमा कार्यसम्पादनमा कठिनाई हुनेगरेको स्मरण गर्दै सम्झौता भएको अवधि अगावै काम सम्पन्न गर्न निर्माण कम्पनिलाइ निर्देशन दिनुभयो । उहाले भवन निर्माणमा आवश्यक पर्ने सबै सहयोग गर्न गाउँ पालिका तयार रहेको भन्दै निर्माणमा ढिलाइ गर्ने छुट नभएको बताउनुभयो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |