धादिङको बनिघाट रोराङ गाउँपालिका–२ स्थित पन्चकन्या आधारभुत विद्यालयमा न्यानो कपडा वितरण गरिएको छ । लायन्स क्लब अफ धादिङ भैरेवीको आयोजनामा पन्चकन्या आधारभुत विद्यालयमा अध्ययनरत बिद्यार्थीहरुलाई न्यानो कपडा, स्टेशनरी सामाग्री, एवं पानीको धारा सहितको जार बितरण गरिएको छ ।
बगाले थापा क्षेत्री राष्ट्रिय फाउन्डेसन नेपाल, नेशनल लघुबित्त संस्था मझिमटार,नेपाल मानव अधिकार संगठन धादिङ र कृतिगंगा मेडिकल सेन्टर काठमाण्डौको समन्वयमा उक्त बिद्यालयका ६० जना बिद्यार्थीहरुलाई सामाग्री हस्तान्तरण सहित स्वास्थ्य परिक्षण गरिएको हो ।
सामाग्री हस्तान्तरण गर्दै लायन्स क्लब अफ धादिङ भैरवीका अध्यक्ष कृष्ण बद्री पौडेलले स्टेशनरी सामाग्री नभएकै कारण कुनै पनि बालबालिका विद्यालय जानबाट वञ्चित नहुन र चिसोबाट सुरक्षित रहुन भन्ने उद्धेश्यले उक्त सामाग्री प्रदान गरिएको बताउनुभयो । मासखर्कका नागरिकहरुले घण्टौ समय लगाएर पानी बोन्नुपर्ने हुनाले उनीहरुको सजताको लागि पानीको धारा सहितको जार पनि बितरण गरेको पौडेलले बताउनुभयो ।
यस्तै बेनिघाट रोराङ गाउँपालिका वडा न २ का वडा अध्यक्ष हेमराज भुजेलले विद्यालयमा सामाग्री प्रदान गरेकोमा धन्यवाद दिदै वडाले पनि नागरिकहरुको विकासको निम्त निरन्तर काम गरिरहेको बताउनुभयो ।
कार्यक्रममा लायन्स क्लब अफ धादिङ भैरवीका अध्यक्ष कृष्ण बद्री पौडेल, मानव अधिकार संगठन धादिङका अध्यक्ष कृष्णराज अधिकारी,बगाले थापा क्षेत्री राष्ट्रिय फाउन्डेसन नेपालका अध्यक्ष डा. राम थापा क्षेत्री , जिल्ला प्रशासन कार्यालय धादिङका प्रसाकिय अधिकृत छत्र बहादुर अधिकार, प्रकाश सापकोटा, बालकृष्ण नेपाली, महेश रिजाल लगायतको सहभागिता रहेको थियो ।
त्यस्तै विद्यालयमा अध्ययनरत बालबालिकाको डा. राम थापा क्षेत्रीको नेतृत्वमा रहेको स्वास्थ्यकर्मीहरुको टोलीले स्वास्थ्य परिक्षण गर्नुका साथै औषधिहरु वितरण गरेको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |