मैदीकोटमा छैटौं खड्गदेवी साँस्कृतिक तथा कृषि महोत्सव हुने

ज्वालामुखी गाउँपालिका वडा न ३ मैदीकोटमा माघेसक्रान्तीको अवसरमा छैटौं खड्गदेवी साँस्कृतिक तथा कृषि महोत्सव हुनेभएको छ । खड्गदेवी युवा क्लबको आयोजना,चक्रदेव युवा क्लब, खड्गदेवी मन्दिर संरक्षण समितिको सहआयोजना, वडा नम्बर ३ र गाउँपालिकाको प्रायोजनमा माघ १ गते माघेसक्रान्तीको दिनमा छैटौं खड्गदेवी साँस्कृतिक महोत्सव तथा गोरु जुधाई कार्यक्रम हुनेभएको हो ।

पृथ्वीनारायण शाहको ब्रतबन्ध स्थल ऐतिहासिक मैदिकोटको प्रसार प्रसार गर्ने र कला सँस्कृतिको जगेर्ना गर्ने उद्धेश्यले प्रत्येक वर्ष क्लबले साँस्कृतिक महोत्सव संचालन गर्दै आएको छ । यसवर्ष पनि महोत्सव संचालन गर्न लागेको हो ।
कार्यक्रममा लोकदोहोरी गायक खेम सेन्चुरी, सागर विसी, गायिका प्रतिमा अर्याल, पदम आले र मोडल एलिना रायमाझिको प्रस्तुती रहने छ ।
विशेष गरि माघेसक्रान्तीको दिन खड्गदेवी मन्दिरमा फुलपाती अर्पण,गोरु जुधाई, प्रत्यक्ष दोहोरी, कृषि प्रर्दशनी, स्थानीय तथा राष्ट्रिय कलाकारहरुको बेजोड प्रस्तुती साथै रक्तदान कार्यक्रम हुने खड्गदेवी युवा क्लबका अध्यक्ष रिजन श्रेष्ठले जानकारी दिनुभयो । त्यस्तै गोरु जुधाई प्रतियोगिता र स्थानीय कलाको प्रर्दशनीको लागि २५ गतेभित्र दर्ता गरिसक्नुपर्ने छ ।