धादिङ र काठमाडौको सिमानामा पर्ने धादिङको धुनिबेसी नगरपालिका–९ झ्याप्लेखोलामा आइतबार ११ बजेसम्म २५ वटा वटा शव फेला परेको छ । शनिबार रातीसम्म १४ वटा शव निकालेको उद्धार टोलीले आइतबार थप ११ वटा शव निकालेको हो ।
शनिबार राती एक बालक, पाँच महिला र आठ पुरुषको शव निकालेको उद्दार टोलीले आइतबार बिहान नौ जना पुरुष र दुई जना महिलाको शव निकालेको जिल्ला प्रहरी कार्यालय धादिङका प्रहरी निरीक्षक एवंसूचना अधिकारी प्रल्हाद सिलवालले जानकारी दिनुभयो ।
पुरिएका सवारी साधनहरु धुजाधुजा अवस्थामा रहेको र शव पनि छुट्टाछुट्टै भेटिएकोले कुन सवारीको शव कुन हो भन्ने यकिन गर्न कठिन छ । पुरिएको अवस्थामा फेला परेको सवारीहरु टुक्राटुक्रा बनेकोले नम्बर पहिचान गर्न समेत कठिन भएको सूचना अधिकारी सिलवालले जानकारी दिनुभयो ।
गोरखाबाट काठमाडौ आउदै गरेको ना ४ ख २२७० नम्बरको बसको भने यकिन भएको छ । एक्साभेटरले पहिरो खोतल्ने क्रममा बसको छतको डण्डीमा चालक मदन परियारको नम्बर देखिएपछि बसको यकिन भएको यातायात व्यवसायी अर्जुन भट्टले जानकारी दिए । पहिरोले पुरिएको अवस्थामा फेला परेको सो बसमा मुग्लिनसम्म चालक दलका तीनजना र एक जना यात्रु रहेको भनिएपछि बीचबाटोबाट यात्रु चढाएको हुनसक्ने अनुमान छ ।
त्यस्तै चितवनको पुल्चोकबाट यात्रु बोकेर काठमाडौ छुटेको माइक्रोबस ९जम्बो हाइस०पनि झ्याप्ले खोलाको पहिरोमा पुरिएको र त्यसमा कति यात्रु थिए भन्ने यकिन नभएकोले पहिरोमा अझ थुप्रै शव भेटिन सक्ने आशंका गरि उद्दारकर्मीहरुको टोलीले खोजी कार्य तीव्र पारेको छ ।
शुक्रबार दिउसो करिब २ बजे मनकामना माई यातायात प्रा।लि। मार्फत संचालित बा २ ख १३४५ नम्बरको बस सम्पर्क विहीन रहेको प्रा।लिका अध्यक्ष नर बहादुर रानाले जानकारी दिनुभयो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |