लाङघाली डेन्टल क्लिनिकका संचालक डा.रचना रेशमी गिदेल मगरले डेन्टल संचालन गरेपछि महिला डाक्टरले पुरुष डाक्टर सरह काम गर्न सक्दैनन् भन्ने मानसिकतालाई चिर्न सफल भएको बताउनुभयो । सुरुमा आउने विरामीहरुले तिमीले गर्न सक्छौं र ? विगार्ने पो हो की भन्ने प्रश्न गर्ने गर्दथे उहाँले भन्नुभयो,‘ अहिले उपचार गरिसकेपछि खुशी हुँदै धन्यावाद दिने गरेका छन् । ’ आफुसँग पढेका साथीहरु सबै विदेशीका छन् । मैले आफ्नै ठाउँमा विरामीहरुको सेवा गर्न पाएको छु । आगामी दिनमा डेन्टललाई अस्पतालको रुपमा परिणत गरेर लैजाने लक्ष्य रहेको उहाँले बताउनुभयो । कार्यक्रममा डेन्टलले विगत ३ वर्षदेखि गर्दै आएका कामहरुको बारेमा जानकारी समत गराउनुभएको थियो ।
हालसम्म डेन्टलबाट ७ सय भन्दा बढि विरामीहरुले सेवा लिईसकेको बताउनुभयो । स्थापना दिवसकै अवसरमा अभिभाकत्वको जिम्मेवारी निर्वाह गरिरहनुभएका यदु बहादुर रेशमी, अमृता रेशमी र हरिशंकर गिदेल मगरलाई सम्मान गरिएको छ । त्यस्तै विगत २ वर्षदेखि डेन्टलमा कार्यरत कर्मचारी सुस्मिता श्रेष्ठ र संगिता थापालाई मायाको चिनो प्रदान गरिएको छ । कार्यक्रममा आमाको माया छात्रावास र स्वाबलम्वी बहिरा आधारभुत विद्यालयका बालबालिकाहरुलाई दन्त सम्बन्धी सामाग्री प्रदान गर्नुका साथै स्वास्थ्य परिक्षण समेत गरिएको थियो ।
डेन्टलले स्थापना दिवसको अवसरमा एक महिना सम्म निशुल्क दाँत र मुखको निशुल्क परिक्षण शिविर संचालन समेत गरेको छ । बिहिबार मात्रै शिविरमा सय भन्दा बढि विरामीले सेवा लिईसकेका छन् । शिविरमा दाँत निकाल्नेमा ५० प्रतिशत छुट र दाँत राख्नेमा ३० प्रतिशत छुटको व्यवस्था गरेको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |