नेपाली काँग्रेस धादिङले नीलकण्ठ नगरपालिका वडा नम्बर ८ मा रहेको स्वाबलम्बी बहिरा आधारभुत विद्यालयमा रहेका बहिरा विद्यार्थीहरुका लागि खाद्यान्न र झोला वितरण गरेको छ ।
सोमबार १११ औँ विपि जयन्तीको अबसरमा नेपाली काँग्रेसले १० बोरा चामल, २ कार्टुन खाने तेला लगायत खाद्य सामाग्री र ४३ जना विद्यार्थीहरुको लागि झोला प्रदान गरेको हो । नेपाली काँग्रेस धादिङका सभापति तथा कृषि मन्त्री रामनाथ अधिकारीले सामाग्री वितरण गर्नुहँदै नेपाली कांग्रेस असहाय, अपाङ्गता भएका र विपन्नहरुको पक्षमा काम गर्ने पार्टी रहेको बताउनुभयो ।
वि पि कोइरालाले प्रतिपादन गरेको प्रजातान्त्रिक समाजवादको सिद्धानतमा गरीव, दुखी र असहायलाई सहयोग गर्ने उल्लेख गरेकोले कोईरालाको सिद्धानतलाई सबैले अनुसरण गर्न आवश्यक रहेको बताउनुभएको छ । साथै कृषि मन्त्रीको हैसियतमा किसानको पक्षमा नीति तथा कार्यक्रम बनाउने र बजेट व्यवस्थापन गर्न प्रतिवद्ध रहेको बताउनुभयो । कृषिको विकासले मात्रै राष्ट्र समृद्ध हुने धारणा पनि व्यक्त गर्नुभयो ।
सामाग्री वितरण कार्यक्रममा बागमति प्रदेश साम्सद गोबिन्द लम्साल, गंगाजमुना गाउँपालिका अध्यक्ष भक्त लामा,खनियाबास गाउँपालिका अध्यक्ष रणबहादुर तामात्रिपुरासुन्दरी गाउँपालिका अध्यक्ष राजु उप्रेती र ज्वालामूखी गाउँपालिका अध्यक्ष यमनाथ दनैले स्वाबलम्बन बहिरा आधारभुत विद्यालयलाई ५०÷५० हजार रकम उपलब्ध गराउने घोषणा गर्नुभयो ।
ज्वालामूखी गाउँपालिकाले आवस्यक सामाग्री उपलब्ध गराउने भएको छ भने अन्य गाउँपालिकाले नगद उपलब्ध गराउने बिपि जयन्तीको अवसरमा सामुहिक प्रतिवद्धता गर्नुभएको नेपाली काँग्रेसका नेता बिनोद तिमल्सीनाले जानकारी दिनुुभयो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |