सडक माथीबाट खसेको लेदो माटोले नौबिसे नागढुंगा सडक खण्ड अवरुद्ध बनेको छ । धादिङको धुनिबेसी नगरपालिका–९ सुरुङमार्ग नजिक सडक माथीबाट खसेको लेदो माटोले सडक दुईतर्फी अवरुद्घ बनेको हो ।
लुम्बिनी प्रदेश ०१००१ ज ०००५ नम्बरको स्कार्पियो जिम लेदोमा फसेको जिल्ला प्रहरी कार्यालय गजुरी धादिङका प्रहरी निरीक्षक रबिन्द्र कुमार श्रेष्ठले जानकारी दिनुभयो ।
निरन्तरको वर्षातसंगैको लेदोले सडक अवरुद्घ हुँदा सवारीको जाम लागेको छ । काठमाडौबाट पुर्व पश्चिमका जिल्लातर्फ छुटेको यात्रु बस सहित साना ठुला सबै सवारी सडकमै रोकिएका छन् ।
राजमार्गमा ठुलो मात्रामा लेदो थुप्रो लागेकोले खुलाउन पाँच घन्टा भन्दा बढी समय लाग्ने श्रेष्ठले जानकारी दिनुभयो।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |