नीलकण्ठ नगरपालिका वडा नम्बर ३ ले ४५ जना गरीब बालबालिकालाई विद्यालय सामाग्री वितरण गरेको छ । वडा अध्यक्ष राजकुमार श्रेष्ठको पहलमा गठित वडा अध्यक्ष अक्षयकोष मार्फत विद्यालय सामाग्री वितरण गरिएको हो ।
नगरपालिका भित्रका विद्यालयहरुमा अध्यायन गर्ने अति विपन्न गरीबहरुलाई किताब, कापी, झोला, जुत्ता विद्यालय पोशाक वितरण गरिएको वडा अध्यक्ष राजकुमार श्रेष्ठले बताउनुभयो ।
कापी, कलम, लुगा, झोला अभावले पढ्नका लागि कठिनाइ भोग्दै आएका बालबालिकाहरु विद्यालय सामाग्री पाएपछि खुसी भएका छन् ।
यस्तै सोही अवसरमा नीलकण्ठ नगरपालिका वडा नम्बर २ तिनघरेको अन्नपूर्ण आधारभुत विद्यालयमा अति कठिनसंग अध्यायन गरिरहेका ७ जनालाई विद्यालय पोशाक, कापी, कलम, जुत्ता समेतको सामाग्री उपलब्ध गराईएको छ ।
बाबुले एकवर्षअघि आत्महत्या गरेको र आमा परिवार पाल्न कुबेत गएपछि ७५ वर्षीया हजुरआमासंग बस्दै आएका ३ बालबालिका सहित ७ जनालाई वडा अध्यक्ष अक्षयकोषले सामाग्री उपलब्ध गराएको हो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |