धादिङको त्रिपुरासुन्दरी– ४ तल्लो बेलुङ्गका १९ घर पहिरोको जोखिममा

धादिङको त्रिपुरासुन्दरी गाउँपालिका वडा नम्बर ४ तल्लो बेलुङ्गका १९ घर परिवार पहिरोको जोखिममा परेका छन् । अविरल वर्षाका कारण गाउँ भन्दा माथिको भागबाट पहिरो खस्न थालेपछि बस्ति नै जोखिममा परेको हो ।

गाउँ माथिबाट खस्ने पहिरोले जनधनको क्षति हुने डरमा रहेको स्थानीय मदन श्रेष्ठले जानकारी दिनुभयो । गाउँ भन्दा माथिको भागबाट लेदो तथा ढुङ्गाहरु बग्ने गरेको बताउदै पूर्व तयारी अपनाउनु नसकिएको बताउनुभयो ।
निम्न तथा मध्यम वर्गका मानिसहरु बसोबास गर्दै आएको बेलुङ्ग गाउँका १९ घर परिवार नै उच्च जोखिममा परेको छ ।’प्रकोपले निम्त्याउन सक्ने विपत्तिको अवस्था हेरेर तत्काल पूर्व तयारीमा लाग्ने त्रिपुरासुन्दरी गाउँपालिकाका अध्यक्ष राजु उप्रेतीले बताउनुभएको छ ।अहिलेसम्म पालिकामा कुनै जानकारी नआएकोले जोखिमको अवस्था हेरेर समस्या समाधानमा लाग्ने उहाँले बताउनुभयो ।