ज्वालामुखी गाउँपालिका–४ ढोलामा चोरीको विगविगी,सचेत रहन आग्रह

धादिङको ज्वालामुखी गाउँपालिका वडा नम्बर ४ स्थित ढोलामा चोरीको विगविगी बढेको छ । वडा कार्यालय तथा स्वास्थ्य चौकी आसपासका क्षेत्रहरुमा केही समूहरुले दिउँसै लुटपाट तथा चोरी गर्ने गरेको वडा नम्बर ४ का वडा अध्यक्ष कृष्ण बहादुर गुरुङले जानकारी दिनुभयो ।

असार ३ गते राना चौतरामा रहेको विचारी भट्टको पसल तोडफोड गरि नगद रु.२२ हजार सहितको सामाग्री र यहि साउन २८ गते मिलनचोकमा रहेको होमलाल श्रेष्ठ(कृष्ण) को पसलमा दिउँसोको समयमा तोडफोड गरि नगद रु.५० हजार सहितको सामाग्रीहरु लुटपाट गरेको उहाँले बताउनुभयो ।

विशेषगरि ढोलाको मिलनचोक, रानाचौतारा, गैरी पुर्सुक र बराहकालीकाको बजार क्षेत्रमा बढि चोरी तथा लुटपाट हुने गरेको छ । दिनहुँजसो चोरी तथा लुपाटको घट्ना बढिरहदा एकातिर समुदायका नागरिकहरु त्रसित बनेका छन् भने अर्को तर्फ सरोकारवाला निकायलाई चुनौति थपिएको छ ।

यस विषयलाई लिएर आज बुधबार जनप्रतिनिधीहरुको बैठक बसि समुदायलाई कसरी त्रसितरहित बनाउन सकिन्छ भनेर छलफल समेत गरिएको अध्यक्ष गुरुङले बताउनुभयो ।

घट्नाको प्रकृति हेर्दा अनुभवी व्यक्तिहरुबाट नै भएको हुन सक्ने बताउदै यस घट्नामा संलग्नहरुको खोजीको निम्ति सहयोग गर्न सम्पूर्ण स्थानीयवासि तथा संचारकर्मीहरु सँग आग्रह समेत गर्नुभएको छ ।