धादिङको गल्छी गाउँपालिका ६ महेशदोभानबाट आफ्नै श्रीमतीको हत्या गरेको आरोपमा एक जनालाई प्रहरीले पक्राउ गरेको छ ।
महेशदोभानमा अस्थाइ बसोबास गर्ने २९ वर्षीया निशा क्षेत्री मगरको हत्या गरेको आरोपमा मृतककै श्रीमान भारतको दार्जलिङ घर भएका ४९ वर्षीय प्रकाश मगरलाई पक्राउ गरिएको जिल्ला प्रहरी कार्यालय धादिङका सूचना अधिकारी एवम प्रहरी नायव उपरीक्षक मकेन्द्र कुमार मिश्रले जानकारी दिनुभयो ।
निशा गर्भवती भएको र पेटमा भएको बच्चा अर्केको भएको आरोपमा पटक पटक कुटपिट गर्दै आएका प्रकाशले साउन १८ गते राती पेटको बच्चा बाहिर निस्कने गरि कुटपिट गर्दा मृत्यु भएको छिमेकीहरु बताउँछन् ।
घाँटीमा सलले बेरेको, शरिरमा निलडाम भएको,पेटबाट बच्चा बाहिर निस्केको र रगतै रगत भएको अवस्थामा प्रहरीले शव भेटेपछि पोष्टमार्टमका लागि काठमाण्डौस्थित शिक्षण अस्पताल पठाएको प्रहरीले जनाएको छ ।
अर्घाखाँची जिल्लाको मालारानी गाउँपालिका–२ माइती भएकी निशा र प्रकाश महेशदोभान क्षेत्रमा मजदुरी गरी अस्थाइ बसोबास गर्दै आएका थिए ।
मगर लाई साउन २० गते पक्राउ गरी २१ गते धादिङ जिल्ला अदालतबाट सात दिनको म्यादथप गरेर अनुसन्धान भईरहेको प्रहरी नायव उपरीक्षक मिश्रले बताउनुभयो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |