धादिङबेसीको सुरक्षित आवास गृहलाई खाद्यान्न र सरसफाईको सामाग्री सहयोग

धादिङबेसीमा रहेको सुरक्षित आवास गृहलाई खाद्यान्न र सरसफाईको सामाग्री सहयोग गरेको छ । निजामति सहिद मनोज झपेन्द्र सुरेन्द्र स्मृति दिवसको अबसरमासहयात्री समाजले संचालन गरेको सुरक्षित आवास गृहलाई खाद्यान्न र सरसफाईको सामाग्री सहयोग गरेको हो ।

निजामति सहिद मनोज झपेन्द्र सुरेन्द्र स्मृति दिवसको अवसरमा नेपाल निजामति कर्मचारी संगठन धादिङका अध्यक्ष बिरबहादुर दु्वाडीको अध्यक्षतामा खाद्यान्न र सरसफाईको सामाग्री वितरण गरिएको हो ।
ज्यानको पर्वाह नगरि राज्य व्यवस्था परिवर्तनमा योगदान गर्ने खोटाङका मनोज जोशी, कास्कीका झपेन्द्र, कार्की, मुगुका सुरेन्द्र बिक लगायतको योगदानको सम्झनामा सुरक्षित आवास गृहमा रहेका हिंसा प्रभावितहरुका लागि दैनिक उपभोग्य सामाग्री चामल, दाल, तेल तथा सरसफाई सामाग्री वितरण गरिएको थियो ।
महिला र बालिकामाथी हुने घटनामा पीडकको गाँस,वास,कपास लगायतको बारेमा राज्यले चासो नदिईरहेको समयमा पीडितहरुका लागि गरिएको सहयोगको लागि सहयात्री समाजको तर्फबाट गायत्री खतिवडाले आयोजकलाई धन्यवाद दिनुभएको छ ।परिवारबाट बलात्कारमा परेर घर, परिवार र समाजबाट बहिस्करणमा परेका, घरेलु हिंसामा परेकाहरु गरि हाल सुरक्षित आवासगृहमा ५ जना हिंसा पीडितहरु रहेका छन् ।
सुरक्षित आवासगृहमा रहेकाहरुलाई राज्यको तर्फबाट सहयोग गर्न र राज्यले सबै सुबिधा सहित सुरक्षित आवासगृह जिम्मा लिनका लागि आग्रह गरिएको छ ।