धादिङ जिल्लामा ११ हजार १ सय ५९ हेक्टर क्षेत्रमा धान खेती गरिदै आइरहेकोमा अहिलेसम्म ८० प्रतिशत धान रोपाई सकिएको छ । कृषि विकास कार्यालय धादिङका सुचना अधिकारी एवं बाली संरक्षण अधिकृत जयराम अधिकारीका अनुसार शुक्रबार सम्म जिल्लामा ८० प्रतिशत अर्थात ८ हजार ९ सय २७ हेक्टर क्षेत्रमा रोपाई सकिएको हो । जसअन्तरगत नीलकण्ठ नगरपालिकाको धान रोपाई हुने १ हजार ६ सय ५७ हेक्टर क्षेत्र मध्ये हालसम्मा १ हजार ४ सय ११ अर्थात् (८५.१५) प्रतिशत रोपाई सकिएको छ ।
त्यस्तै धुनिशवेशी नगरपालिकाको धान रोपाई हुने ७ सय ५ हेक्टर क्षेत्र मध्ये हालसम्मा ७ सय ५ अर्थात् (१००) प्रतिशत, गजुरीको धान रोपाई हुने ९ सय ५५ हेक्टर क्षेत्र मध्ये हालसम्मा ७ सय ६४ अर्थात् (८०) प्रतिशत, गल्छीको धान रोपाई हुने ६ सय ६० हेक्टर क्षेत्र मध्ये हालसम्मा ४ सय २९ अर्थात् (६५) प्रतिशत, गंगाजमुनाको १ हजार १ सय ७५ हेक्टर क्षेत्र मध्ये हालसम्मा १ हजार ५८ अर्थात् (९०) प्रतिशत, ज्वालामुखीको धान रोपाई हुने ९ सय ६२ हेक्टर क्षेत्र मध्ये हालसम्मा ७ सय २२ अर्थात् (७५) प्रतिशत, सिद्धलेकको धान रोपाई हुने ७ सय ८ हेक्टर क्षेत्र मध्ये हालसम्मा ५ सय ३१ अर्थात् (७५) प्रतिशत धान रोपाई सकिएको छ ।
यसैगरी नेत्रावतीको धान रोपाई हुने ६ सय ६८ हेक्टर क्षेत्र मध्ये हालसम्मा ६ सय ३५ अर्थात् (९५) प्रतिशत, थाक्रेको धान रोपाई हुने ९ सय ५५ हेक्टर क्षेत्र मध्ये हालसम्मा ८ सय ९० अर्थात् (८०) प्रतिशत, रुवीभ्यालीको धान रोपाई हुने १३ हेक्टर क्षेत्र मध्ये हालसम्मा १३ अर्थात् (१००) प्रतिशत, बेनिघाट रोराङको १ हजार २५ हेक्टर क्षेत्र मध्ये हालसम्मा ७ सय ६९ अर्थात् (७५) प्रतिशत, त्रिपुरासुन्दरीको १ हजार ६५ हेक्टर क्षेत्र मध्ये हालसम्मा ६ सय ३९ अर्थात् (६०) प्रतिशत र खनियावासको ६ सय ७६ हेक्टर क्षेत्र मध्ये हालसम्मा ५ सय ४० अर्थात् (८० ) प्रतिशत धान रोपाई सकिएको कृषि विकास कार्यालय धादिङले जनाएको छ ।
जिल्लामा कुल खेतीयोग्य क्षेत्रफल ४८ हजार १ सय ३६ हेक्टर रहेको छ । विशेषगरी टारहरु अर्थात कम उचाई भएका ठाउँहरुमा मकवानपुर १, सावीत्री, सुख्खा १, २, ३, ४, ५ रामधान जस्ता धानहरु लगाइने गरिन्थ्यो भने बढि उचाई भएका ठाउँहरुमा अर्थात अलि चिसो हावापानी भएका ठाउँहरुमा खुमल ४, खुमल १०, हर्दिनाथ १, हर्दिनाथ २, सुमलचार, खुमल ११, गोरखनाथ, वायोसिट जातका धान खेती गरिदै आएकोमा पछिल्लो समय यी जातहरूलाई हाइब्रिड धानले प्रतिस्थापन गर्दै लगेको बाली संरक्षण अधिकृत जयराम अधिकारीले बताउनुभयो । जिल्लाको नीलकण्ठ नगरपालिका, सल्यानटार, गजुरी, नौविसे, जीवनपुर, गोगनपानी, कल्लेरी, ज्यामरुङ, सांकोष, त्रिपुरेश्वर, मार्पाक र दार्खा धान खेती हुने पकेट क्षेत्र मानिदै आएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |