सहयात्री समाज नेपालको आयोजनामा मुगलिन–पोखरा सडक सुधार परियोजना अन्तर्गत सामाजिक सचेतना तथा जीविकोपार्जन कार्यक्रम सम्पन्न भएको छ।
शुक्लागण्डकी नगरपालिका अन्तर्गत जनकल्याण माध्यमिक विद्यालय र पञ्चमुनिदेव माध्यमिक विद्यालयका विद्यार्थीहरूलाई लक्षित गरी आयोजित कार्यक्रममा विभिन्न सामाजिक र स्वास्थ्यसम्बन्धी विषयमा चेतनामूलक सन्देश दिइएको थियो।कार्यक्रममा एचआईभीरएड्स, मानव बेचविखन, यौनजन्य हिंसा तथा दुव्र्यवहार, लागूऔषधको दुरुपयोग तथा सडक सुरक्षाका विषयहरूमा सचेतना दिइएको आयोजक संस्था सहयात्री समाज नेपालले जनाएको छ।
उक्त प्रशिक्षणमा सामाजिक परिचालक गीता खनाल र ऋषि दुवाडीले विद्यार्थीहरूसँग अन्तरक्रिया गर्दै व्यवहारिक जानकारी प्रस्तुत गरेका थिए। कार्यक्रमले विद्यार्थीहरूमा सामाजिक संवेदनशीलता र व्यक्तिगत सुरक्षा प्रति चेतना जागृत गराएको थियो।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |